სოფელი საჩხერის მუნიციპალიტეტში. მდებარეობს ჭიათურის პლატოზე, მდინარე საძალხევის (ყვირილის აუზი) მარცხენა ნაპირას. თემის საკრებულოს ცენტრი (მოიცავს 2 სოფელს: მოძვი, ჯალაურთა). ზღვის დონიდან - 740 მეტრი, საჩხერიდან - 21 კილომეტრი. 2002 წლის აღწერის მონაცემებით სოფელში ცხოვრობს 1609 კაცი. სოფელში არის XII საუკუნის დარბაზული ეკლესია, რომელიც ძლიარაა დაზიანებული და უმოქმედოა. მისთან ახლოს მდებარეობს მეორე ეკლესია, რომელიც გარედან დარბაზულს წააგავს, თუმცა წარმოადგენს სამნავიან ბაზილიკას, რომლის სახურავიც სვეტებს ეყრდნობა.
Source: უნივერსალური ენციკლოპედიური ლექსიკონი : [3 ტომად] / შეადგინა ალექსანდრე ელერდაშვილმა. - I-ლი გამოც.. - [თბ.] : ფანტაზია, 2006. - 28სმ.[MFN: 136149]