იალნოს ქედი

ქედი მცხეთისა და საგარეჯოს მუნიციპალიტეტებში. დაკავშირებულია კავკასიონის სისტემასთან (ქართლის ქედთან), არის საგურამოს ქედის გაგრძელება გარეკახეთის მიმართულებით. ითვლება საშალო სიმაღლის განედურ ქედად. ძველად ეწოდებოდა „აკრიანის ქედი“ (ვახუშტი ბაგრატიონის თანახმად - „იალონი“). სიგრძე – 18 კილომეტრი, უმაღლესი წერტილია იალნოს მთა (სიმაღლე –1874 მეტრი). აგებულია ნეოგენური ნალექი ქანებით. საგურამოს ქედთან შეერთების ადგილზე გადაკვეთილია თბილის-თიანეთის საავტომობილო გზით. წარმოადგენს შემდეგი მდინარეების წყალგამყოფს: თეზმის (არაგვის მარცხენა შენაკადი) და გორანას (ივრის მარჯვენა შენაკადი), აგრეთვე წყალგამყოფია ნორიოსხევის, მარტყოფისხევის და საცხენისისხევის. კალთები შემოსილია მუხნარით, მუხნარ-რცხილნარით და წიფლნარით. თხემზე მეორეული სუბალპური მდელოებია.