აბი

1. ბურთულის ფორმის წამალი, იგივე, რაც ტაბლეტი.
2. ნასოფლარი ახალქალაქის მუნიციპალიტეტში, სოფელ კარტიკამის ახლოს მოიხსენიება „გურჯისტანის ვილაიეთის დიდ დავთარში“ (XVI საუკუნის მიწურული). ოსმალთა მიერ სამცხე-საათაბაგოს აღწერის დროს აბი უკვე დაცარიელებული ყოფილა. ხსენებულ დავთარში შეცდომაა დაშვებული, ამ სოფლის ქართული სახელი იყო „აბლარი“.
3. ნასოფლარი ახალციხის მუნიციპალიტეტში. ზღვის დონიდან – 1240 მეტრი, ახალციხიდან – 2 კილომეტრი. ბოლო წლებში აბის მოსახლეობა ახალციხეში, მარდის უბანში, ჩასახლდა. მოიხსენიება „გურჯისტანის ვილაიეთის დიდ დავთარში“ (XVI საუკუნის მიწურული), იმ დროს იქ ქართველ გლეხთა 10 კომლი ცხოვრობდა.
   Source: უნივერსალური ენციკლოპედიური ლექსიკონი : [3 ტომად] / შეადგინა ალექსანდრე ელერდაშვილმა. - I-ლი გამოც.. - [თბ.] : ფანტაზია, 2006. - 28სმ.[MFN: 136149]