Etym. ლათინ. adnuntiatio „უწყება, შეტყობინება“ ღმრთის განკაცების საიდუმლოების საზეიმო ხარება ქალწულ მარიამის მიმართ მთავარანგელოს გაბრიელის მიერ ნაზარეთში (ლუკ. 1:26-38). ესაა მარიამისადმი მიძღვნილი ერთ-ერთი პირველი დღესასწაული. „სააღდგომო მატიანე“ (VII ს.-ის პირველი ნახევარი) ახსენიებს ხარებას როგორც საეკლესიო კალენდარში დიდი ხნის წინათ დამკვიდრებულ დღესასწაულს. ეკლესია ხარებას 25 მარტს აღნიშნავს.
Source: პეტროზილო, პიერო. ქრისტიანობის ლექსიკონი/პიერო პეტროზილო; [იტალ. თარგმნა მარიკა სააკაშვილმა; რედ. მერაბ ღაღანიძე; სულხან-საბა ორბელიანის სასწ. უნ-ტი, ქრისტ. თეოლოგიისა და კულტ. ცენტრი]. - თბ.: სულხან-საბა ორბელიანის სასწ. უნ-ტის გამოც., 2011. - 434გვ.; 24სმ.. - ყდაზე: ბერნარდო დადი „ნეტარი ქალწული მარიამის გვირგვინით შემკობა“. - ISBN: 978-9941-0-3408-4