ძველი კათოლიკეები

გერმანულენოვანი ეკლესიის მიმდევრები, რომლებიც ცალკე ჩამოყალიბდნენ (დაფუძნდა მიუნხენის კონგრესზე, 1871) მას შემდეგ, რაც უარი თქვეს ეღიარებინათ პაპის უმცდომლობისა და მისი იურისდიქციის პრიმატის დოგმა (ვატიკანის I კრება, 1869-1870). ამ ეკლესიის სარწმუნოების აღსარების საფუძველს წარმოადგენს 1889 წლის უტრეხტის დეკლარაცია, რომელშიც ნათქვამია: „ჩვენ ერთგულნი ვართ ძველი ეკლესიის სარწმუნოებისა, რომელიც გამოხატულია პირველი ათასწლეულის განუყოფელი ეკლესიის მსოფლიო კრებათა საყოველთაოდ აღიარებულ სიმბოლოებსა და დოგმატურ გადაწყვეტილებებში“. ძველ კათოლიკეთა საკრებულოები არსებობს გერმანიაში, შვეიცარიაში, ავსტრიაში, ჰოლანდიაში, ჩეხეთში, პოლონეთსა და ამერიკის შეერთებულ შტატებში.