It. Penitenziera apostolica საეკლესიო სამსჯავრო, რომლის კომპეტენციაც მხოლოდ შიდა ფორუმზე ვრცელდება, ოღონდ არა საიდუმლოთა საკითხებში. ამიტომაც მას ადმინისტრაციული, ანუ აღმასრულებითი ძალაუფლება აქვს და არა სასამართლო. ის გასცემს შეწყალებას, გათავისუფლების ნებართვას, შემსუბუქების განკარგულებას, გამონაკლისის უფლებასა და შენდობას. მისი კომპეტენცია ვრცელდება აგრეთვე ინდულგენციათა გაცემისა და გამოყენების საკითხზე. სამოციქულო სამსჯავროს ხელმძღვანელობს კარდინალი (მთავარი მსჯავრმდებელი), რომელსაც ეხმარებიან მმართველი და ხუთი მრჩეველი.
Source: პეტროზილო, პიერო. ქრისტიანობის ლექსიკონი/პიერო პეტროზილო; [იტალ. თარგმნა მარიკა სააკაშვილმა; რედ. მერაბ ღაღანიძე; სულხან-საბა ორბელიანის სასწ. უნ-ტი, ქრისტ. თეოლოგიისა და კულტ. ცენტრი]. - თბ.: სულხან-საბა ორბელიანის სასწ. უნ-ტის გამოც., 2011. - 434გვ.; 24სმ.. - ყდაზე: ბერნარდო დადი „ნეტარი ქალწული მარიამის გვირგვინით შემკობა“. - ISBN: 978-9941-0-3408-4