Etym. წარმოებული ბერძ. apostéllein „წარგზავნა, მივლინება“ ეკლესიის ოთხ არსებით მახასიათებელთაგანი ერთ-ერთი – ერთიანობასთან, სიწმიდესთან, კათოლიკეობასთან ერთად, რომლებიც ნიკეა-კოსტანტინოპოლის სიმბოლომ გამოაცხადა (381); ეკლესიის სამოციქულო ხასიათი ნიშნავს, რომ ეკლესია თავისი არსებით მჭიდროდაა დაკავშირებული ქრისტეს ცხოვრების, სიკვდილისა და მკვდრეთით აღდგომის მაცოცხლებელ მოვლენასთან, რომელიც აუცილებლად მოციქულთა დამოწმების შუამავლობით გადმოიცემა (შდრ. CCC, კან. 857-865).
Source: პეტროზილო, პიერო. ქრისტიანობის ლექსიკონი/პიერო პეტროზილო; [იტალ. თარგმნა მარიკა სააკაშვილმა; რედ. მერაბ ღაღანიძე; სულხან-საბა ორბელიანის სასწ. უნ-ტი, ქრისტ. თეოლოგიისა და კულტ. ცენტრი]. - თბ.: სულხან-საბა ორბელიანის სასწ. უნ-ტის გამოც., 2011. - 434გვ.; 24სმ.. - ყდაზე: ბერნარდო დადი „ნეტარი ქალწული მარიამის გვირგვინით შემკობა“. - ISBN: 978-9941-0-3408-4