Etym. ლათ. nuntius, ნაწარმოებია სიტყვიდან nountius, შემოკლებული ფორმა სიტყვისა noventius „ამბების მომტანი“ (novus „ახალი“, საიდანაც იწარმოება novere და შემდეგ noventius) რომის პონტიფექსის ლეგატი, რომელსაც ეკისრება პონტიფექსის პირადად წარმოდგენის ხანგრძლივი მისია ეკლესიებში, სახელმწიფოებსა და სამოქალაქო მთავრობათა წინაშე მსოფლიოს სხვადასხვა ქვეყანაში (შდრ. Sollisitudo omnium Ecclesiarum, 24 ივნისი, 1969 წელი; CIC, კან. 363). სამოციქულო დესპანს ევალება „წმიდა საყდარსა და სახელმწიფოს ხელისუფალთ შორის ურთიერთობის ხელშეწყობა და განვითარება; ეკლესიასა და სახელმწიფოს შორის ურთიერთობათა საკითხების მოგვარება; განსაკუთრებულად ზრუნვა კონკორდატებისა და მსგავსი შეთანხმებების დადებასა და მოქმედებაზე“ (CIC, კან. 365).
Source: პეტროზილო, პიერო. ქრისტიანობის ლექსიკონი/პიერო პეტროზილო; [იტალ. თარგმნა მარიკა სააკაშვილმა; რედ. მერაბ ღაღანიძე; სულხან-საბა ორბელიანის სასწ. უნ-ტი, ქრისტ. თეოლოგიისა და კულტ. ცენტრი]. - თბ.: სულხან-საბა ორბელიანის სასწ. უნ-ტის გამოც., 2011. - 434გვ.; 24სმ.. - ყდაზე: ბერნარდო დადი „ნეტარი ქალწული მარიამის გვირგვინით შემკობა“. - ISBN: 978-9941-0-3408-4