შონსტატის საქმე

სამოციქულო და მარიამის კულტთან დაკავშირებული განახლების მოძრაობა; ის 1914 წელს მამა იოზეფ კენტენიხმა (1885- 1968) მდინარე რაინზე, ვალენდარის მახლობლად მდებარე „სამგზის გასაოცარი შონსტატის მარიამის“ სამლოცველოში დააარსა. დღეს ის აერთიანებს: შონსტატის საერო მღვდელმსახურთა, მარიამის ძმათა, მარიამის დათა, შონსტატის ქალბატონთა და შონსტატის ოჯახთა ასოციაციებს; სამოციქულო კავშირს, რომელსაც შეადგენენ მღვდელმსახურთა, მამაკაცთა, ქალთა, ოჯახთა დამოუკიდებელი საკრებულოები; სამოციქულო ლიგას, წევრთა და თანამშრომელთა საკრებულოების, სახალხო მოძრაობისა და მომლოცველობის შემადგენლობით. შონსტატის საქმე ხელმძღვანელობს დევიზით: „სამყაროს მარიამისეული ქრისტიანული აღზრდა“ და „ახალი ადამიანი ახალ საზოგადოებაში“ და მიზნად ისახავს თანამშრომლობას ეკლესიაში ქრისტიანული ცხოვრების კომპლექსური განახლებისათვის. ამ კონტექსტში განსაკუთრებული ყურადღება ეთმობა საეროთა მომზადებას კენტენიხის მიერ შემუშავებული ასკეტურ-აღმზრდელობითი მოდელის შესაბამისად.