Etym. ლათ. electus (ნამყოს მიმღეობა ზმნისა eligere „არჩევა“) აღნიშნავს ადამიანს ან ხალხს, არჩეულს ღმრთის მიერ მისი ზებუნებრივი ნიჭის მისაღებად. ძველ აღთქმაში რჩეულები ეწოდებათ ებრაელებს, ახალ აღთქმაში კი ქრისტიანული საკრებულოს წევრებს. თეოლოგიაში ტერმინი აღნიშნავს ხსნისადმი წინასწარ განსაზღვრულობას. ამჟამინდელი მნიშვნელობით რჩეული აღნიშნავს ადამიანს, რომელმაც ღმერთს მიუძღვნა თავი. დაბოლოს, ზრდასრულთა ნათლობაში რჩეული ეწოდება მონათვლის მსურველს, რომელსაც კათაკმეველობის პერიოდი აქვს გავლილი.
Source: პეტროზილო, პიერო. ქრისტიანობის ლექსიკონი/პიერო პეტროზილო; [იტალ. თარგმნა მარიკა სააკაშვილმა; რედ. მერაბ ღაღანიძე; სულხან-საბა ორბელიანის სასწ. უნ-ტი, ქრისტ. თეოლოგიისა და კულტ. ცენტრი]. - თბ.: სულხან-საბა ორბელიანის სასწ. უნ-ტის გამოც., 2011. - 434გვ.; 24სმ.. - ყდაზე: ბერნარდო დადი „ნეტარი ქალწული მარიამის გვირგვინით შემკობა“. - ISBN: 978-9941-0-3408-4