Etym. ბერძ. kathédra, შემდეგ ლათ. cathedra „სკამი“, „სავარძელი“ დიოცეზის მთავარი ტაძარი, ეპისკოპოსის ადგილ-სამყოფელი. ეწოდება აგრეთვე „დუომო“ – duomo [ლათ. domus „სახლი“], ღმრთის სახლი. თუ ეპისკოპოსი რამე განსაკუთრებული ღირსების ან უფლებამოსილების მატარებელია, ტაძარიც ანალოგიურ წოდებას იღებს: საწინამძღვრო, სამთავარეპისკოპოსო, სამიტროპოლიტო ან საპატრიარქო ტაძრად იწოდება. ეპისკოპოსის კათედრა მდებარეობს ტაძრის აბსიდაში, საკურთხევლის უკან, ან მის გვერდით.
Source: პეტროზილო, პიერო. ქრისტიანობის ლექსიკონი/პიერო პეტროზილო; [იტალ. თარგმნა მარიკა სააკაშვილმა; რედ. მერაბ ღაღანიძე; სულხან-საბა ორბელიანის სასწ. უნ-ტი, ქრისტ. თეოლოგიისა და კულტ. ცენტრი]. - თბ.: სულხან-საბა ორბელიანის სასწ. უნ-ტის გამოც., 2011. - 434გვ.; 24სმ.. - ყდაზე: ბერნარდო დადი „ნეტარი ქალწული მარიამის გვირგვინით შემკობა“. - ISBN: 978-9941-0-3408-4