საკმეველი, გუნდრუკი

ზოგიერთი მცენარიდან მიღებული გუმფისით დამზადებული სურნელოვანი ნაერთი, რომელიც ფართოდ გამოიყენებოდა ანტიკურ სამყაროში, განსაკუთრებით აღმოსავლეთში (შდრ. გამ. 30:34; ლევ. 2:1). ის სიმბოლოა ლოცვისა („წარიმართოს ჩემი ლოცვა შენს წინაშე, ვითარცა საკმეველი“ – ფსალ. 140,2), თაყვანისცემისა და პატივისგებისა (წმიდა ევქარისტიის საკმეველით კმევა). ლიტურგიაში საკმეველი უმთავრესად გამოიყენება ევქარისტიული მსახურებისას (საკურთხევლის, ჯვრის, სახარების, შეწირულობათა კმევა) და მიცვალებულთა მოსახსენიებელ მსახურებაში.