Etym. ბერძნ. párochos „მიმწოდებელი“, ზმნიდან paréchein „მომარაგება“, „მიწოდება“, შემდეგ ლათ. paróchus ასე ეწოდება საკრებულოს საკუთარ მოძღვარს, რომელიც ქრისტეს მსახურებაში მონაწილეობს და საკრებულოს სამსახურში ასრულებს სწავლების, განწმედისა და მართვის ფუნქციებს, სხვა მღვდლებთან თუ დიაკვნებთან თანამშრომლობითა და საეროებთან ურთიერთობით (CIC, კან. 519; CD, 30). საკრებულოს წინამძღვარი უნდა იყოს მღვდელი (CIC, კან. 521, ნაწ. 1), რამდენადაც მისი მოვალეობები მთლიანად მოიცავს სულებზე ზრუნვას და საჭიროებს სამღვდელო ხელდასხმას.
Source: პეტროზილო, პიერო. ქრისტიანობის ლექსიკონი/პიერო პეტროზილო; [იტალ. თარგმნა მარიკა სააკაშვილმა; რედ. მერაბ ღაღანიძე; სულხან-საბა ორბელიანის სასწ. უნ-ტი, ქრისტ. თეოლოგიისა და კულტ. ცენტრი]. - თბ.: სულხან-საბა ორბელიანის სასწ. უნ-ტის გამოც., 2011. - 434გვ.; 24სმ.. - ყდაზე: ბერნარდო დადი „ნეტარი ქალწული მარიამის გვირგვინით შემკობა“. - ISBN: 978-9941-0-3408-4