ქრისტიანობის კურსები

ქრისტიანული მოძრაობა, რომლის დასახელება მომდინარეობს ქრისტიანული აღზრდის ხანმოკლე კურსების სახელწოდებიდან. ამ კურსების დანიშნულებაა სახარების ქადაგების პირველადობის ხაზგასმა და სარწმუნოების, როგორც მთლიანად პიროვნული ცხოვრების მთავარი ელემენტის, ზრდის ხელშეწყობა. ამგვარი მოძრაობის შექმნის იდეა 1940-იანი წლების დასასრულს ესპანური კათოლიკური ქმედების რიგებში წარმოიქმნა, რწმენის სუფთა სოციოლოგიურ ფაქტამდე დაყვანის ტენდენციის საწინააღმდეგოდ. პირველი კურსი 1949 წლის 7-10 იანვარს მაიორკაზე ჩატარდა. 1963 წელს მოძრაობა პავლე VI-მ დაამტკიცა და ძალიან მალე ის მთელ მსოფლიოში გავრცელდა. კურსები სამი ფაზისგან შედგება: precursillo (სახარების ქადაგებისთვის მომზადება), ცურსილლო (უშუალოდ სახარების ქადაგება; გრძელდება სამ დღეზე ცოტა მეტ ხანს), postcursillo (ეკლესიაში ქრისტიანული მომწიფება სამყაროში დამოწმებისათვის მზადყოფნის მიზნით).