„ქრისტეს მიბაძვა“

სათაური შუა საუკუნეთა ასკეტური თხზულებისა De imitatione Christi, რომელიც ოთხ წიგნად, ანუ ტრაქტატადაა დაყოფილი. ლათინურად დაწერილი ეს წიგნი ტიპურ სამონასტრო თხზულებას წარმოადგენს, თუმცა ტექსტის ძირითადი იდეები, დაკავშირებული მოკვდინებასთან, ქრისტიანულ სათნოებათა მიყოლასა და იესო ქრისტესთან მუდმივ კავშირთან, ამ ნაშრომს საყოველთაო ღირებულებას ანიჭებს. წარსულში ის საერო პირთა შორისაც ფართოდ იყო ცნობილი. მისი ავტორის ვინაობა დიდი ხნის მანძილზე საკამათო იყო. მრავალი მკვლევარი იზიარებს მოსაზრებას, რომ ესაა თომა კემპიელი (1378-1471). ნაშრომს ახალი ღმრთისმოსაობის გავლენა ეტყობა. წიგნი, ბიბლიის შემდეგ, ყველაზე მეტ ენაზე თარგმნილი ნაწარმოებია. მისი პირველი გამოცემა 1483 წლით თარიღდება.