ქებათა ქება

ძველი აღთქმის წიგნი, რომლის ავტორობაც სოლომონს მიეწერება. რვა თავად დაყოფილი ეს წიგნი მამაკაცისა და ქალის ვნებიან და ურთიერთმლტოლველ სიყვარულს აღწერს. ეგზეგეტიკოსები მის საკმაოდ განსხვავებულ ინტერპრეტაციებს გვთავაზობენ: პირდაპირს, ალეგორიულს, ტიპურსა და სხვა. ებრაული ტრადიცია მას განმარტავს, როგორც ისრაელისადმი იაჰვეს სიყვარულის გამოხატულებას, ქრისტიანული ტრადიცია კი მასში ეკლესიის მიმართ ქრისტეს სიყვარულს ხედავს.