შაქტიზმი

სიტყვასიტყვით ტერმინი ნიშნავს ძალას, უნარს და დღევანდელ ჰინდუიზმში უმთავრესად მიემართება შივას მეუღლეს, ქალღმერთ შაქტის. იგი ღმრთის შემოქმედი ძალის განსახიერებაა. შაქტიზმი შესაძლოა დავუკავშიროთ დედა ღმრთაების წინარევედურ კულტს. დღეს შაქტის სხვადასხვაგვარად სცემენ თაყვანს:
ა) როგორც დედა ღმრთაებას და მას ეწოდება აგრეთვე იაგანმატა (სამყაროს დედა);
ბ) როგორც ნაზ და მოსიყვარულე ქალს – უმა პარავატი – შივას მეუღლე;
გ) როგორც შიშისმომგვრელ სასტიკ ქალღმერთს, რომელიც სისასტიკეს მხოლოდ ბოროტთა მიმართ ამჟღავნებს, ერთგულთა მიმართ კი გულმოწყალე და ლმობიერია; ამ სახით მას ეწოდება კალი (შავი), დურგა (მიუდგომელი), და სხვ.