შაჰადა

რელიგიური თვალსაზრისით, ისლამში ეს არის სარწმუნოების აღსარება – ისლამის ხუთი ცნებიდან ერთ-ერთი. წამოადგენს ფორმულას: „არ არსებობს სხვა ღმერთი ჭეშმარიტი ღმრთის გარდა და მუჰამადი მისი წინასწარმეტყველია“, რომლითაც მუსლიმი მორწმუნე ისლამისადმი თავისი კუთვნილების აღსარებას წარმოთქვამს (ყურ. 4:136). ისლამზე მოქცევა გულისხმობს შაჰადის წარმოთქმას მოწმეთა წინაშე, რომლებიც შესაბამის დოკუმენტს ადგენენ და საკუთარი ბეჭდით ამოწმებენ მას. მხოლოდ ამ იურიდიული აქტის გაფორმების შემდეგ იქცევა მოქცეული მუსლიმად. მუსლიმი, რომელიც სიცოცხლეს სწირავს რწმენისათვის, შაჰიდად, – ანუ მოწმედ, მოწამედ, წამებულად, – იწოდება.