Etym. ლათ. sacramentum (სიტყვიდან sacrare „კურთხევა“) საიდუმლონი მადლის ქმედითი ნიშნებია. ისინი იესო ქრისტემ დაამკვიდრა და მიანდო ეკლესიას ადამიანთა წმიდაყოფისათვის. საიდუმლონი შვიდია: ნათლობა, კონფირმაცია, ანუ მირონცხება, ევქარისტია, მონანიება (აღსარება), სნეულთა ცხება, ხელდასხმა და ქორწინება. სათანადოდ აღსრულებული საიდუმლონი იმ მადლს ანიჭებენ, რომელსაც აღნიშნავენ. მათს ქმედითობას მათში თვით ქრისტეს ქმედება განაპირობებს. ამგვარად, საიდუმლონი მოქმედებენ ex opere operato (სიტყვასიტყვით: „თვით ქმედების შესრულების ფაქტის ძალით“), ერთხელ და სამუდამოდ აღსრულებული ქრისტეს მხსნელი ქმედების ძალით და არ არის დამოკიდებული მღვდელმსახურის პიროვნულ სიწმიდეზე (შდრ. CCC, 1113-1134).
Source: პეტროზილო, პიერო. ქრისტიანობის ლექსიკონი/პიერო პეტროზილო; [იტალ. თარგმნა მარიკა სააკაშვილმა; რედ. მერაბ ღაღანიძე; სულხან-საბა ორბელიანის სასწ. უნ-ტი, ქრისტ. თეოლოგიისა და კულტ. ცენტრი]. - თბ.: სულხან-საბა ორბელიანის სასწ. უნ-ტის გამოც., 2011. - 434გვ.; 24სმ.. - ყდაზე: ბერნარდო დადი „ნეტარი ქალწული მარიამის გვირგვინით შემკობა“. - ISBN: 978-9941-0-3408-4