ჯეზუატები

1360 წელს სიენაში ჯოვანი კოლომბინის მიერ დააარსებული ეს გაერთიანება თავდაპირველად საერო ძმათა საზოგადოებად ჩამოყალიბდა. 1367 წელს ის ურბან V-მ დაამტკიცა. საზოგადოების წევრები მონანიებითა და სნეულთა დახმარებით იყვნენ დაკავებულნი. მათი სახელწოდება იქიდან მომდინარეობს, რომ მონანიების ქადაგებათა დასასრულს ისინი ჩვეულებრივ წარმოთქვამდნენ სიტყვებს: „დიდება იესოს, ქება იესოს!“. 1606 წელს პავლე V-მ მათ ყოველ სავანეში ერთი ან ორი მღვდელმსახურის ხელდასხმის ნება დართო. 1668 წელს კლემენტე IX-მ ორდენი გააუქმა. 1367 წელს ეკატერინე კოლომბინიმ დააარსა ჯეზუატ მონაზონთა შტო სახელწოდებით მარიამის მონახულების ღატაკი ჯეზუატელი ქალები – ავგუსტინესეული წესდების მიმდევარი მჭვრეტელობითი ორდენი.