Annuario pontificio

(„პაპის წელიწდეული“) ვატიკანის სახელმწიფო სამდივნოს მიერ გამოცემული კათოლიკე ეკლესიისა და კათოლიკური იერარქიის ყოველწლიური ოფიციალური ნუსხა. ქვეყნდება 1716 წლიდან. შეიცავს: პაპთა და კათოლიკური იერარქიის სრულ ჩამონათვალს; საეკლესიო ოლქების გეოგრაფიულ დანაწილებას, ეკლესიის წესთა და პიროვნულ პრელატურათა ჩამონათვალს; გარდა ამისა, მასში თავმოყრილია სასარგებლო ინფორმაცია და მონაცემები რომის კურიის, წმიდა საყდართან დაკავშირებული დაწესებულებების, წმიდა საყდართან არსებული დიპლომატიური კორპუსის, ვატიკანის ქალაქ-სახელმწიფოს, რომის სავიკარიუსოს, რელიგიური ინსტიტუტების, უმაღლესი სასწავლებლების, პაპის აკადემიებისა და სხვადასხვა სამსახურების შესახებ, საეკლესიო ოლქებისა და პიროვნებათა სახელების ანბანური ნუსხა.