წირვის აღსასრულებელი შესაწირავი

შესაწირავი, რომელსაც მორწმუნეები აძლევენ წირვის აღმსრულებელს, რათა წირვა მათი განზრახვის თანახმად აღსრულდეს, რითაც, აგრეთვე, ხელს უწყობენ ეკლესიის კეთილდღეობასა და, უმთავრესად, მღვდელმსახურის რჩენას (შდრ. CIC, კან. 946). ეს ტრადიციული, ეკლესიის მიერ მოწონებული და რელიგიური ღირებულების მქონე ჩვეულებაა. თუმცა, „წირვის შესაწირავი ყოველმხრივ უნდა იყოს დაშორებული ვაჭრობისა და მოლაპარაკების თუნდაც შორეულ მინიშნებას“ (CIC, კან. 947). წირვის აღმსრულებელი ან თანააღმსრულებელი ყოველი მღვდელმსახურისთვის ნებადართულია, მიიღოს შეთავაზებული შესაწირავი, რათა წირვა განსაზღვრული განზრახვის თანახმად აღასრულოს. ამავე დროს, მღვდელმსახურებმა წირვა უნდა წარმართონ მორწმუნეთა – განსაკუთრებით, ყველაზე ღარიბთა – განზრახვის თანახმად, ყოველგვარი შესაწირავის მიღების გარეშეც (CIC, კან. 945).