რაბინიზმი

რაბინული იუდაიზმის სახელწოდება, რომელიც ყოველი ებრაელისათვის სავალდებულოდ მიიჩნევს როგორც თორას დაწერილ კანონს, ისე ზეპირ გადმოცემას. ამის გამო რაბინიზმი თავის განუყოფელ ნაწილად მიიჩნევს მიშნასა და თალმუდში მოცემულ რელიგიურ და სამართლებრივ წესთა მთლიანობასა და მომდევნო ეგზეგეზიდან მომდინარე ნორმებს. მიშნისა და თალმუდისეული ინტერპრეტაციის მიუხედავად, რაბინიზმი ზოგადად ბიბლიის თავდაპირველ უწყებასთან კავშირის შენარჩუნებას ესწრაფვის, ხშირად წარმატებით ახერხებს მრავალი სახის კულტურულ გავლენათაგან მომდინარე საფრთხეების აცილებას და დიასპორის სხვადასხვა საკრებულოთა მძლავრ შემაკავშირებელ საშუალებად რჩება.