სამხედრო-სასულიერო საგანმგებლო

ადრე ეწოდებოდა საველე-სასულიერო სავიკარიუსო. იურიდიულად დიოცეზთან გათანაბრებული მცირე საეკლესიო ოლქი, დაარსებული სამხედრო სამსახურში მყოფ ან შეიარაღებულ ძალებთან უშუალოდ დაკავშირებულ სამსახურში მყოფ მორწმუნეთა სასულიერო შეწევნის მიზნით. ამ ოლქს მართავს სამხედრო-სასულიერო განმგებელი, რომელიც ჩვეულებრივ, ამავე დროს, ეპისკოპოსიცაა, მას ეხმარებიან კურიის მოხელეები და საერო და სასულიერო სამღვდელოებას შორის არჩეული სათანადო რაოდენობის სამხედრო კაპელანები. სამხედრო-სასულიერო განმგებელს აქვს ჩვეულებრივი, საკუთარი, თუმცა სადიოცეზო და პიროვნულ განმგებლობასთან მიმსგავსებული იურისდიქცია.