„სარწმუნოება და წესრიგი“

XIX საუკუნეში აღმოცენებული ეკუმენური მოძრაობა, რომლის პირველი მსოფლიო კონფერენცია 1927 წელს ლოზანაში გაიმართა 108 ქრისტიანული ეკლესიის წარმომადგენელთა მონაწილეობით. მოძრაობის სამოქმედო ამოცანად დასახულ იქნა განსხვავებულ ქრისტიანულ საკრებულოთა გაერთიანება საერთო სამოძღვრო და იურიდიულ საფუძველზე. „სიცოცხლისა და საქმიანობის“ (Life and Work) მსოფლიო ქრისტიანული მოძრაობის საბჭოსთან თანამშრომლობის შედეგად აღმოცენდა ეკლესიათა მსოფლიო საბჭო (World Counsil of Churches). ამჟამად „სარწმუნოება და წესრიგი“ ეკლესიათა მსოფლიო საბჭოს სამუშაო კომისიათა შორის ერთ-ერთი დამოუკიდებელი კომისიაა და დღესაც აწყობს საკუთარ მსოფლიო კონფერენციებს.