Etym. ლათ. cenaculum „სასადილო ოთახი“ ადგილი, სადაც იესომ მოციქულებთან ერთად აღნიშნა პასექი და სადაც დაამკვიდრა ევქარისტია. აქვე სული წმიდის გარდამოსვლის დღეს მარიამსა და მოციქულებზე სული წმიდა გადმოვიდა. ტრადიციის თანახმად, ეს ადგილი იერუსალემში, სიონის მთაზე მდებარეობს. კონსტანტინეს დროს ამ ადგილას აიგო იერუსალემის პირველი ეკლესია, რომელიც V საუკუნეში ბაზილიკად გადაკეთდა, შემდეგ კი განადგურდა. დღეს სატრაპეზო შედის გუთური სტილის რეკონსტრუირებულ ნაგებობაში, რომელიც 1335 წელს რობერტ ანჟუელმა ააგო და რომელსაც 1552 წლამდე ფრანცისკელები განაგებდნენ. 1552 წელს ის დაიკავეს მუსლიმებმა, რომელთაც მცდარად მიაჩნდათ, რომ ქვემოთ მდებარე ოთახში დავითის საფლავს მიაკვლიეს. მუსლიმთა მიერ აგებული მეჩეთი 1967 წელს ებრაული სინაგოგით შეიცვალა.
Source: პეტროზილო, პიერო. ქრისტიანობის ლექსიკონი/პიერო პეტროზილო; [იტალ. თარგმნა მარიკა სააკაშვილმა; რედ. მერაბ ღაღანიძე; სულხან-საბა ორბელიანის სასწ. უნ-ტი, ქრისტ. თეოლოგიისა და კულტ. ცენტრი]. - თბ.: სულხან-საბა ორბელიანის სასწ. უნ-ტის გამოც., 2011. - 434გვ.; 24სმ.. - ყდაზე: ბერნარდო დადი „ნეტარი ქალწული მარიამის გვირგვინით შემკობა“. - ISBN: 978-9941-0-3408-4