სიბრძნის ლიტერატურა/სიბრძნის წიგნები

ძველად მთელ აღმოსავლეთში გავრცელებული ლიტერატურული ჟანრი. მისი უმთავრესი საგანია ყოველდღიური ცხოვრება და საქციელი, რომელსაც ღმერთი მოითხოვს ცალკეული პიროვნებისაგან დიდი თუ მცირე ცხოვრებისეული პრობლემების წინაშე. ბიბლიაში ამგვარი წიგნებია (აგრეთვე, დიდაქტიკურ ლიტერატურად წოდებული) იგავები, იობის წიგნი, ეკლესიასტე, ქებათა ქება, სიბრძნის წიგნი, ზირაქის სიბრძნე. საღმრთო წერილის ისტორიულ და წინასწარმეტყველურ წიგნთა შორის მოქცეულ ამ ჯგუფში შედის, ამასთანავე, ფსალმუნები, მიუხედავად მათი სრულიად განსაკუთრებული ხასიათისა.