სულიერება

ტერმინი აღნიშნავს როგორც სულიერ ღირებულებათა მიმართ მგრძნობიარობას, ისე რელიგიის ან ცალკეული რელიგიური ჯგუფისათვის დამახასიათებელ კონცეფციებსა და წესებს (მაგალითად, ბუდჰისტური სულიერება, ფრანცისკული სულიერება). თეოლოგიაში ტერმინი მიემართება მის იმ ნაწილს, რომელიც ღმრთაებრივი გამოცხადების ჭეშმარიტებიდან და ცალკეული ადამიანების რელიგიური გამოცდილებიდან მომდინარეობს, განსაზღვრავს ზებუნებრივი ცხოვრების ბუნებას, აყალიბებს საკუთარი თავის ზრდისა და განვითარებისათვის საჭირო მითითებებს და განმარტავს პროცესებს, რომელთა მეშვეობითაც ადამიანთა სულები გადიან გზას სულიერი ცხოვრების დასაწყისიდან მის სრულყოფამდე.