ტერმინი შექმნა შ. დე ბროსემ თავის ნაშრომში Culte des dieux fetiches (პარიზი, 1760). ამ სიტყვით ის ზეადამიანური ძალის მქონე ხელნაკეთ თუ ბუნებრივ საგნებს აღნიშნავდა. შემდეგ ფეტიშიზმი იქცა საზოგადო სახელად, რომელიც ზოგადად აფრიკის პრიმიტიულ ხალხთა რელიგიების აღსანიშნავად გამოიყენებოდა. ამჟამად, პრიმიტიულ რელიგიათა მკვლევრები ცდილობენ, არ მიმართონ ხსენებულ ტერმინს, მისი უარყოფითი მნიშვნელობის გამო.
Source: პეტროზილო, პიერო. ქრისტიანობის ლექსიკონი/პიერო პეტროზილო; [იტალ. თარგმნა მარიკა სააკაშვილმა; რედ. მერაბ ღაღანიძე; სულხან-საბა ორბელიანის სასწ. უნ-ტი, ქრისტ. თეოლოგიისა და კულტ. ცენტრი]. - თბ.: სულხან-საბა ორბელიანის სასწ. უნ-ტის გამოც., 2011. - 434გვ.; 24სმ.. - ყდაზე: ბერნარდო დადი „ნეტარი ქალწული მარიამის გვირგვინით შემკობა“. - ISBN: 978-9941-0-3408-4