ფუნდამენტალიზმი

ტერმინის სახელწოდება მომდინარეობს მცირე მოცულობის 12 ნაშრომისაგან შემდგარი სერიიდან „ფუნდამენტური პრინციპები, ჭეშმარიტების დამოწმება“ (ჩიკაგო, 1910-1912), რომელიც ა. კ. დიქსონისა და რ. ა. ტორის რედაქციით გამოიცა და XIX საუკუნის დასასრულს აღმოცენებულ ამერიკულ მოძრაობას ეძღვნება. ეს მოძრაობა, ბიბლიისადმი რადიკალური და აბსოლუტური ერთგულების სახელით, დაუპირისპირდა ბიბლიის მოდერნისტული და თავისუფალი განმარტების ტენდენციებს, რომლებიც დაადანაშაულა ქრისტიანული განმარტების არსებითი მოთხოვნილებების უგულებელყოფაში სამეცნიერო მეთოდთა სასარგებლოდ, რომელთა ეგზეგეტიკაც გადამწყვეტ როლს თამაშობს. ბიბლიის უმცდომლობის თეზისის შემოთავაზებით მოძრაობამ ხელახლა დაამკვიდრა მისი ზეშთაგონებული ხასიათის თეზისი. დღეს ტერმინი ფუნდამენტალიზმი აღნიშნავს, აგრეთვე, ისლამურ მოძრაობებსა და ჯგუფებს, რომლებსაც რელიგიურ თუ სოციალურ და პოლიტიკურ საკითხებში განსაკუთრებულებად შეუვალი კონსერვატიზმი ახასიათებს.