მახაროვანი

(ქც 1: 290,21). იხსენიება შემდეგ წერილობით წყაროებში: „მატიანე ქართლისა“ (ქც 1: 290,21), ბაგრატ კურაპალატის გუჯრის ნაწყვეტი (ქრონიკები 2004: 185), 1029-1033 წწ. „დაწერილი მელქისედეკ კათოლიკოსისა სვეტიცხოვლისადმი“ (ქართ. სამართ. ძეგ. 1970: 20).

ლოკალიზდება ახალქალაქის მუნიც-ში, თანამედროვე სოფელ ვლადიმიროვკის მახლობლად, ფარავნის ტბის დასავლეთ ნაპირზე. სოფელი მახაროვანი გვხვდება „მახარონის“ ფორმითაც. XI ს-ის მეორე მეოთხედში მახაროვანს აშენებს მელქისედეკ კათოლიკოსი.

მახაროვანი არქეოლოგიურად შეუსწავლელია.

დღევანდელი სოფლის ჩრდილო-დასავლეთით 0,5 კმ-ზე მდებარეობს ნასოფლარი და ეკლესია. ეკლესიის გარშემო შუა საუკუნეების სასაფლაოა. ეკლესიიდან 70 მ-ის დაშორებით აღმართულია 1,1 მ სიმაღლის მენჰირი. დარბაზული ეკლესია დაზიანებულია (ჯავახეთი 2000: 16).