ობის ციხე

(ქც 4: 50,3; 328,18; 331,2). იხსენიება ვახუშტი ბაგრატიონის თხზულებაში „აღწერა სამეფოსა საქართველოსა“ (ქც 4: 50,3; 328,18; 331,2).

ვახუშტი ბაგრატიონის მიხედვით, იაღლუჯის მთის „დასავლით, ხოშაგერმას იქით, არს ობის-ციხე ველსა ზედა, და აწ შემუსვრილი, და ამის ჩდილოდ კერძ არს ტბა კუმისისა“ (ქც 4: 328,18,20).

მდებარეობდა მარნეულის მუნიც-ში, სოფ. ამბაროვკას სამხრეთით, იაღლუჯის მთის დასავლეთითა და კუმისის ტბის სამხრეთით ადგილ ხოშაგერმასთან (ხარაძე 1991: 93).

მოიხსენიება „ორბის ციხის“ სახელითაც (ქც 4: 50,3), რომელსაც ზოგიერთი წყარო სამშვილდესთან აიგივებს (ქც 1 :8,12,13). ობის ციხე ამჟამად აღარ არსებობს.