საკანაფე

ციხე (ქც 4: 724,2).

იხსენიება შემდეგ წერილობით წყაროებში: ვახუშტი ბაგრატიონის „აღწერა სამეფოსა საქართველოსა“ (ქც 4: 724,2), ბერი ეგნატაშვილის „ახალი ქართლის ცხოვრების“ მესამე ტექსტი (ქც 2: 525,19; 531,6), მესხური დავითნის ქრონიკა (მესხური ... 1900: 213), გურჯისტანის ვილაიეთის დიდი დავთარი (გურჯისტანის ვილაიეთის ... 1958: 140, 141).

ვახუშტი ბაგრატიონი საკანაფის ციხეს მოიხსენიებდა 1587 წ. მოვლენებთან დაკავშირებით: მანუჩარ ათაბაგი „ახალდაბას ჩავიდა, დედისიმედი და ყუარყუარეს ძე ქაიხოსრო საკანაფის ციხეში დადგნენ“ (ქც 4: 724,1-3).

მდებარეობს ახალციხის მუნიც-ში, აწყურის მიდამოებში.

1579 წ. მაისში, ჟამიანობის დროს, საკანაფეს ციხეში ავად გახდა ყვარყვარე ათაბაგის შვილი ხოსიტა (ქც 2: 525,19).

ციხე შემორჩენილია ნანგრევების სახით.

საკანაფეს ციხე არქეოლოგიურად შეუსწავლელია.