უწერა

დაბა (ქც 4: 747,5,6; 768,4; 850,16).

იხსენიება შემდეგ წერილობით წყაროებში: ვახუშტი ბაგრატიონის „აღწერა სამეფოსა საქართველოსა“ (ქც 4: 747,5,6; 768,4; 850,16), ნიკო დადიანის „ქართველთ ცხოვრება“ (დადიანი 1962: 150,21), იოჰან გიულდენშტედტის „მოგზაურობა საქართველოში“ (გიულდენშტედტი 1962: 107, 123, 125, 291, 295; 1964: 27, 259).

ვახუშტი ბაგრატიონი უწერას შესახებ გადმოგვცემს: „სქორიას ხევის შესართავთან, რიონის კიდეზედ, არს ციხე მაგარი ფრიად. ამას ზეით არს დაბა უწერა რიონის ორსავ კიდესა ზედა“ (ქც 4: 768,4).

მდებარეობს ონის მუნიც-ის სოფ. უწერას ტერიტორიაზე.

შუა საუკუნეებში უწერა შედიოდა რაჭის საერისთაოში. 1687 წ. იმერეთის მეფე ალექსანდრე IV-მ (1683-1690; 1691-1695) რაჭაში ილაშქრა და უწერა გადაწვა (ქც 4: 850,16).

უწერა არქეოლოგიურად შეუსწავლელია.