აწერის ციხე

(ქც 4: 362,23,სქ.2). იხსენიება შემდეგ წერილობით წყაროებში: ვახუშტი ბაგრატიონის „აღწერა სამეფოსა საქართველოსა“ (ქც 4:362,23, სქ. 2; 363,9; 517,16; 891,22), „ახალი ქართლის ცხოვრების“ მეორე ტექსტი (ქც 2:444,6), ძეგლი ერისთავთა (ქართ. სამართ. ძეგ. 1966: 106), პაპუნა ორბელიანის „ამბავნი ქართლისანი“ (ორბელიანი 1981: 47, 48), იოანე ბაგრატიონის „ქართლ-კახეთის აღწერა“ (ბაგრატიონი 1986: 38).

მდებარეობს ცხინვალის მუნიც-ში, მდ. პატარა ლიახვის მარჯვენა ნაპირზე, გუდისის ქედის სამხრეთ კალთაზე, დღევანდელი სოფ. აწერისხევის ტერიტორიაზე (გვასალია 1983: 68).

მეფე ვახტანგ III-მ (1302-1308) აწერისხევი უბოძა შალვა ქვენიფნეველს (ქც 2: 444,6). XVIII ს-ის 30-იან წლებში აქ ციხე ააგო ქსნის ერისთავმა შანშემ (ქც 4: 362,23). ყიზილბაშებმა იმამ-ყული-ხანის მეთაურობით აიღეს აწერის ციხე, დაატყვევეს შანშეს ოჯახი და ციხე დაანგრიეს (ორბელიანი 1981: 47, 48).

აწერის ციხე არქეოლოგიურად შეუსწავლელია.