ბეჭის ციხე

(ქც 4: 674,22). იხსენიება შემდეგ წერილობით წყაროებში: ვახუშტი ბაგრატიონის „აღწერა სამეფოსა საქართველოსა“ (ქც 4: 674,22), „მატიანე ქართლისა“ (ქც 1: 300,10).

ლოკალიზდება მდ. მტკვრის სათავეებთან, ყანლუს მთის ძირთან. ამჟამად მოქცეულია თურქეთის რესპუბლიკის ფარგლებში.

ვახუშტი ბაგრატიონი ბეჭის ციხის შესახებ გადმოგვცემს: „მტკურის სათავეს ზეით, ყანლუს მთის ძირზე, არს ციხე შენი ქუმურლუსი, მაგარი და შეუვალი (ვგონებ ბეჭის ციხედ). აწ ცალიერ არს. მას ზედა გარდავალს გზა ბანას და ფანასკერტს“ (ქც 4: 674,22).

ლიპარიტ კლდეკარის ერისთავმა ანისთან დაატყვევა მეფე ბაგრატ IV-ის (1027-1072) მომხრე დიდებულები, რომელთა შორის იყო გუარამ გოდერძის ძე, ბეჭის ციხის პატრონი (ქც 1: 300,10).

ეს ძეგლი არქეოლოგიურად შეუსწავლელია.