გვასტიბე

(ქც 4: 773,24; 775,4,5). იხსენიება შემდეგ წერილობით წყაროებში: ვახუშტი ბაგრატიონის „აღწერა სამეფოსა საქართველოსა“ (ქც 4: 773,24; 775,4,5), მერაბ წულუკიძის შეწირულობის წიგნი (დას. საქ. საბ. 1921: 83), ტოლოჩანოვის „იმერეთში ელჩობის მუხლობრივი აღწერილობა“ (ტოლოჩანოვი 1970: 152), ალექსი იევლევის „1650-1652 წწ. იმერეთის სამეფოში ელჩობის საანგარიშო აღწერილობა“ (იევლევი 1969: 86, 166), იოჰან გიულდენშტედტის „მოგზაურობა საქართველოში“ (გიულდენშტედტი 1962: 147, 149, 307, 309).

მდებარეობს ხონის მუნიც-ში, მდ. ცხენისწყლის მარცხენა ნაპირზე, ახლანდელი სოფ. გვასტიბეს ტერიტორიაზე.

გვასტიბე სხვადასხვა წყაროში სხვადასხვა სახელით იხსენიება: გვასტიბე (ქც 4: 775,4), გაშტაბი (ტოლოჩანოვი 1970: 152), გვიშტიბი (გიულდენშტედტი 1962: 147, 149).

გვასტიბეს ციხე ერთხანს სოლომონ II-ს (1789-1810) ეკავა. ციხე ლორთქიფანიძეების გვარის კუთვნილი იყო (გიულდენშტედტი 1962: 147, 149).

გვასტიბე არქეოლოგიურად შეუსწავლელია.

ციხე აშენებულია მაღალ, ციცაბო კირქვიან ნაპირზე. ნაგებია ფლეთილი და რიყის ქვით. გეგმით მართკუთხაა. მისგან მხოლოდ ნანგრევებიღაა შემორჩენილი.