კასპის ციხე

(ქც 4: 365,სქ.2). იხსენიება ვახუშტი ბაგრატიონის თხზულებაში „აღწერა სამეფოსა საქართველოსა“ (ქც 4: 365,სქ.2).

მდებარეობს კასპის მუნიც-ში, კასპიდან ჩრდილოეთით, 5 კმ დაშორებით, მდ ლეხურას მარჯვენა ნაპირის მაღალ მთაზე.

ვახუშტი ბაგრატიონი მამათა მონასტრის აღწერის შემდეგ აღნიშნავს: „მას ზეით არს ციხე, სადითგან გამოიყვანეს ოვსთა გორგასლის დაი“ (ქც 4: 365,6,7). არშიაზე კი მიწერილია: „კასპის ციხე“ (ქც 4: 365,სქ.2). კასპის ციხეს კლდემაღალას ან არსენას ციხის სახელითაც მოიხსენიებენ.

კასპის ციხე არქეოლოგიურად შეუსწავლელია.

ის იცავდა ჩრდილოეთიდან კასპისაკენ მომავალ გზას. ნაგებობა ძლიერაა დაზიანებული. შემორჩენილია მართკუთხა გეგმის მქონე კოშკის ერთი კედელი, ნაგები ფლეთილი ქვით. ციხე თარიღდება ადრე შუა საუკუნეებით. ფუნქციონირებდა გვიან შუა საუკუნეებშიც (მაკალათია 1964: 13, 14; სძა 1990: 132).