კოლა

მცირე ქალაქი (ქც 4: 658,13).

იხსენიება შემდეგ წერილობით წყაროებში: ვახუშტი ბაგრატიონის „აღწერა სამეფოსა საქართველოსა“ (ქც 4: 658,13; 674,15,16,17,სქ.3; 735,22), „ისტორიანი და აზმანი შარავანდედთანი“ (ქც 2: 111,1).

ვახუშტი ბაგრატიონი კოლას შესახებ გადმოგვცემს: „ხოლო არტანისა და კოლის საზღვარს ზეით, მტკურის კიდის დასავლეთით, არს მცირე ქალაქი კოლა“ (ქც 4: 674,15).

ლოკალიზდება ისტორიულ კოლას მხარეში. ე.თაყაიშვილის მოსაზრებით, ის მდებარეობდა მდ. მტკვრის სათავეში, სოფ. ოკამის მიდამოებში (თაყაიშვილი 1938: 9). კოლა, იგივე გიოლეა, რომელიც მდებარეობს მტკვრის სათავეებთან (გუგუნავა 1996: 27). ის ამჟამად მოქცეულია თურქეთის რესპუბლიკის ფარგლებში.

კოლა არქეოლოგიურად შეუსწავლელია.