(ცხოველჰყოფს)
- არამედ ეგრეთცა შეერთებულვე არიან საღმრთოჲსა მისებრ განყოფისა განუყოფელნი მიცემანი, არს-ქმნანი, ცხოველ-ყოფანი, ბრძენ-მყოფელობანი (არეოპ., საღმრ., ეფრ., 2.5); განანათლებს ყოველთა შემძლებელთა ნათლისა დატევნისათა, დაჰბადებს და ცხოველ-ჰყოფს, იპყრობს და სრულ-ჰყოფს (არეოპ., საღმრ., ეფრ., 4.4); – ζωοποιέω – ვითარცა მამაჲ აღადგინებს მკუდართა და ცხოველ-ჰყოფს, ეგრეთვე ძე, რომელთა ჰნებავს, ცხოველ-ჰყოფს (არეოპ., საღმრ., ეფრ., 2.1); სიტყჳსა საღმრთომან მოქმედებამან ცხოველ-ყო ქალი (დამასკ., ორთა ნებ., არს., S1463 138r); ყოფიერებაჲცა და ცხოველ-ყოფაჲ და აღმაორძინებელობაჲ და სრულ-მყოფელობაჲ არს მათ თანა (არეოპ., ზეც., ეფრ., 15.6); არა განმზრახ არს სული და არცა წინააღმრჩეველ: და არცა განზრახვით და ბჭობით ცხოველ-ჰყოფს, არამედ თჳთ თჳსსა მყოფობასა ცხოველობად მზიარებლსა წარმოუდგენს (პრ., კავშ., პეტრ., კავშ., 189; 113.8-10); – σῴζω – და ერთბამად რაჲცა-რაჲ ვითარ-რაჲმე არს პირველითგან მყოფისა შორის და არსცა და ითქუმისცა მოგონებად და ცხოველ-ყოფად (არეოპ., საღმრ., ეფრ., 5.5)
Source: ძველქართულ-ძველბერძნული ფილოსოფიურ-თეოლოგიური ტერმინოლოგიის დოკუმენტირებული ლექსიკონი = Old georgian-greek documented dictionary of philosophical-theological terminology: (მასალები) / [ქართველოლ., ჰუმანიტ. და სოც. მეცნ. ფონდი რუსთაველის ფონდი; პროექტის ავტ. და სამეცნ. ხელმძღვ. დამანა მელიქიშვილი; პ/მგ რედ. ანა ხარანაული, ბერძნ. ტექსტის რედ.: ლევან გიგინეიშვილი, ვიქტორია ჯუღელი]. - I-ლი გამოც.. - თბ.: ბაკურ სულაკაურის გამ-ბა, 2010. - 29სმ.
to main page 
top of page