დადგენა, განწესება; ჩამოყალიბება, წარმოქმნა, ფორმირება
- სამღდელო მოქმედებად და წესად განყოფითა სამღდელთმოძღუროჲთა დაიწესნეს (არეოპ., საეკლ., ეფრ., 5.I.7); – [ყოველი მიზეზი] ყოვლითურთ ზესთ განყენებულ არს; რამეთუ მზიარებელი ვერ დაიწესებს მას თჳს შორის, არამედ მის-გამოსა ნაბრწყინსა ეზიარა, რაოდენ იყოს შემძლე დატევნად (პრ., კავშ., პეტრ., 98; 61.8); არარაჲ შემძლებელ არს წარმოდგომად და საზომისა და წესისა მიმთხუევად, განეყენოს თუ ღმრთებრივსა რიცხუსა: რამეთუ სრულ იქმნების ყოველი ძალისა მიერ მათისა და დაიწესების და განიზომვის ღმრთეებრისა მიერ რიცხჳსა (პრ., კავშ., პეტრ., 145; 88.10); ეძღუანვის თუ ყოველსა სირასა, და ყოველი ხუედრისაბრ დაწესებულა მისდა მიმართ (პრ., კავშ., პეტრ., 97; 59.19); ყოველსა სულსა ნაწილებითსა ესევითარი აქუს შესარაბამი საღმრთოჲსა სულისა მიმართ, რომელსა ქუეშე დაწესებულა არსებით, ვითარ ეტლსა მისსა ეტლისა მისისა მიმართ (პრ., კავშ., პეტრ., 205; 123.13); – διατάσσ – პირველთაგან დამბადებელისა სიბრძნემან სრულმყოფელად არსთა დააწესნა (ნოს., პასუხ. ექუს., გ. ათ., V, 13); – κατατάσσω – სავანეთა, რომელთა შინა საუკუნოდ დაიწესნენ საღმრთოდ მქონებელნი აღსასრულისანი (არეოპ., საეკლ., ეფრ., 7.III.2); დააწესოს იგი სოფელსა და ნათელსა ცხოვნებულთასა (არეოპ., საეკლ., ეფრ., 7.III.4); – τυπόω – რა უკუე, მამათა არა ჩუენად თქუესა ყოფად, რომელი თავსა შორის თჳსსა დააწესა ქრისტემან ნებაჲ? (მქს., პიროს., გელ., 27,14)
Source: ძველქართულ-ძველბერძნული ფილოსოფიურ-თეოლოგიური ტერმინოლოგიის დოკუმენტირებული ლექსიკონი = Old georgian-greek documented dictionary of philosophical-theological terminology: (მასალები) / [ქართველოლ., ჰუმანიტ. და სოც. მეცნ. ფონდი რუსთაველის ფონდი; პროექტის ავტ. და სამეცნ. ხელმძღვ. დამანა მელიქიშვილი; პ/მგ რედ. ანა ხარანაული, ბერძნ. ტექსტის რედ.: ლევან გიგინეიშვილი, ვიქტორია ჯუღელი]. - I-ლი გამოც.. - თბ.: ბაკურ სულაკაურის გამ-ბა, 2010. - 29სმ.
to main page 
top of page