პირველსახე, არქეტიპი
- ვითარცა საბეჭდავსა მრავალნი აქუნდიან სახენი მიმღებელნი პირმშოჲსა მისგან სახისა მისისა და თითოეულსა სახეთა მათგანსა შინა ყოვლად და იგივე იყვის (არეოპ., საღმრ., ეფრ., 2.5); არამედ მიმღებელთა იგი განყოფილებაჲ, რომელი-იგი უმსგავსო ჰყოფს დანაცემსა ერთისა და ყოვლადისა და მისვე პირმშოჲსა სახისასა (არეოპ., საღმრ., ეფრ., 2.6); ამისთჳს ნათელთ-სახელობით იგალობების სახიერებაჲ, რომელმან მზისა შორის, ვითარცა სახისა შორის, აჩუენა პირმშოჲ ხატი თჳსი (არეოპ., საღმრ., ეფრ., 4.4); – τὸ πρωτότυπον – პატივი ხატისაჲ პირმშოჲსა მის სახისა აღვალს, რამეთუ პირმშო სახე არს, რომლისა სახედ გამოხატულ იყოს ხატი იგი (დამასკ., გარდ., 263, ეფრ.); უკუეთუ წარმოჩენილი, ვითარცა პირმშო სახე, არსებაჲ იყოს ჯერჩინებაჲ (მქს., პიროს., გელ., 28,5); იხ. დასაბამსახჱ (მქს., პიროს., გელ.); გამოჩნდების პირმშოდ სახედ მორჩილებისად გამოჩინებული ჩუენთჳს, რომლისა თჳნიერ არა არს ცხორებისა მიმთხუევაჲ (დამასკ., გარდ., 150, არს.); – ὑπογραμμός ὁ – სიტყუაჲ უქცეველად ჴორც-იქმნების სულისაგან წმიდისა და მარიამისგან წმიდისა, მარადის ქალწულისა და ღმრთისმშობელისა... მორჩილ იქმნების მამისა, ჩუენგანითა და ჩუენებრითა არსებითა ურჩებისა ჩუენისა განმკურნებელი და პირმშოდ სახედ მორჩილებისად გამოჩინებული ჩუენთჳს, რომლისა თჳნიერ არა არს ცხორებისა მიმთხუევაჲ (დამასკ., გარდ., 150, არს.)
Source: ძველქართულ-ძველბერძნული ფილოსოფიურ-თეოლოგიური ტერმინოლოგიის დოკუმენტირებული ლექსიკონი = Old georgian-greek documented dictionary of philosophical-theological terminology: (მასალები) / [ქართველოლ., ჰუმანიტ. და სოც. მეცნ. ფონდი რუსთაველის ფონდი; პროექტის ავტ. და სამეცნ. ხელმძღვ. დამანა მელიქიშვილი; პ/მგ რედ. ანა ხარანაული, ბერძნ. ტექსტის რედ.: ლევან გიგინეიშვილი, ვიქტორია ჯუღელი]. - I-ლი გამოც.. - თბ.: ბაკურ სულაკაურის გამ-ბა, 2010. - 29სმ.
to main page 
top of page