ნების ობიექტი, კონკრეტული მიზანი, რომლისკენაც ნებაა მიმართული
- სანებური, რომელ არს ნებებული, თჳთგამორჩევითი და გუამოვნებითი (დამასკ., ორთა ნებ., არს., S1463, 133r); – θελητόν τό – სხუაჲ ვიდრემე არს ნებაჲ და სხუაჲ – განზრახვაჲ, სხუაჲ – ნებებული და სხუაჲ – მნებებელობითი და სხუაჲ – მნებებელი (დამასკ., გარდ., 131, არს.); ხოლო ნებებაჲ ითქუმის მსრბოლობისათჳს ფრიად ბუნებასა თანა მის მიერ ნებებულისა მიმართ ანუთუ ნებებულისა მიღებისა, ესე იგი არს პყრობისათჳს (ანასტ. სინ., არს., II, 239-241); რომელსა უკუე ნებასა იტყჳთ, მნებებელობითსა ძალსა და მარტივად ნებასა და ბუნებითსა სანებელსა ანუ გუარსა ნებისა ჴმარებისასა, ესე იგი არს ვითარ ნებებასა და გამორჩევისაებრ თჳსისა და გემოჲსა ნებებულისა მის, არამედ უკუეთუ მნებებელობითსა ძალსა და მარტივსა ნებასა გუამოვნებითად იტყჳთ, არაჭეშმარიტსა სწამებთ (დამასკ., ორთა ნებ., არს., S1463, 135r); რამეთუ არ იგივე არს ნებაჲ მნებებელისაჲ და ნებებული, ვითარ-იგი არცა მხედველისა მხედველობითი და ხილული, რამეთუ იგი უკუე არსებით არს მის თანა, ხოლო ესე გარეგნით არს (მქს., პიროს., გელ., 19,38)
Source: ძველქართულ-ძველბერძნული ფილოსოფიურ-თეოლოგიური ტერმინოლოგიის დოკუმენტირებული ლექსიკონი = Old georgian-greek documented dictionary of philosophical-theological terminology: (მასალები) / [ქართველოლ., ჰუმანიტ. და სოც. მეცნ. ფონდი რუსთაველის ფონდი; პროექტის ავტ. და სამეცნ. ხელმძღვ. დამანა მელიქიშვილი; პ/მგ რედ. ანა ხარანაული, ბერძნ. ტექსტის რედ.: ლევან გიგინეიშვილი, ვიქტორია ჯუღელი]. - I-ლი გამოც.. - თბ.: ბაკურ სულაკაურის გამ-ბა, 2010. - 29სმ.
to main page 
top of page