სიდიდე

1. Gk. μέγεθος τό
   ღვთაებრივი, საღმრთო სიდიდე
    

   დიდად უკუე იგალობების ღმერთი ღმრთივსულიერთა სიტყუათა შინა, რომელნი-იგი სიდიდესა და ნიავ-წულილსა შინა გამოაჩინებენ სიმცირესა საღმრთოსა (არეოპ., საღმრ., ეფრ., 9.1); ესე სიდიდე განუზომელცა არს და ურავდენო და ურიცხუ (არეოპ., საღმრ., ეფრ., 9.2); თჳსისა ღმრთეებისა სიდიდითა მაგრილობელ ექმნა მას (სამონო ხატს) (ლეონ., ეპ., არს., 4, S 1463, 218r); ხოლო სიდიდე დიდადშუჱნიერებისა მისისაჲ – ანგელოზებრთა ჴმათაგან შეისწავების (ლეონ., ეპ., არს., 4, S 1463, 218r); ვინაჲთგან თანად ორთაგანვე არს ერთი: სიმდაბლეცა კაცებისაჲ და სიდიდეცა ღმრთეებისაჲ (ლეონ., ეპ., არს., 4, S 1463, 218r); ეგრეთვე კაცი სიდიდითა საღმრთოჲსა პატივისაჲთა არა განილია (ლეონ., ეპ., არს., 4, S 1463, 218r);

2. მატერიალური, ნივთიერი სიდიდე
    

   რაოდენობისაჲ რომელიმე არს სიდიდე, ხოლო რომელიმე სიმრავლე და სიდიდე ვიდრემე განიზომების, ხოლო სიმრავლე აღირიცხუვის (დამასკ., დიალ., არს. 36,22) // (დამასკ., დიალ., ეფრ. 36,22); ქუეყანისმზომელობაჲ [ჰსჭურეტს] სიდიდეთა და ნაკუეთთა (ამონ., ტარიჭ., 14,14); სიდიდეჲ – μέγεθος τό – მყოფნი განსაზღვრებულ არიან სიმრავლითაცა და სიდიდითა (τοῖς μεγέθεσι) (პრ., კავშ., პეტრ., 198; 118.22); ყოველსა სულისა ეტლსა, თანშებუნებებულსა სამარადისოდ, ერთი და იგივე ნაკუეთი და სიდიდე აქუს (პრ., კავშ., პეტრ., 210; 125.26-27); უკუეთუ მიუდრეკელისა მიზეზისა მიერ აქუს არსებაჲ, საცნაურ უკუე, რომელ ნაკუეთიცა და სიდიდე მისი მიზეზისა მიერ თჳსისა განსაზღვრებულ იყოს (პრ., კავშ., პეტრ., 210; 125.29-31); – κατὰ μέγεθος – ყოველი რაოდენვე განწვალებადი ანუ მებრ სიმრავლითა, ანუ მებრ სიდიდითა, ანუ მოქმედებათაებრ იყოს განწვალებადი და ჟამსა შორის გებადი (პრ., კავშ., პეტრ., 171; 102.30-32)

   Source: ძველქართულ-ძველბერძნული ფილოსოფიურ-თეოლოგიური ტერმინოლოგიის დოკუმენტირებული ლექსიკონი = Old georgian-greek documented dictionary of philosophical-theological terminology: (მასალები) / [ქართველოლ., ჰუმანიტ. და სოც. მეცნ. ფონდი რუსთაველის ფონდი; პროექტის ავტ. და სამეცნ. ხელმძღვ. დამანა მელიქიშვილი; პ/მგ რედ. ანა ხარანაული, ბერძნ. ტექსტის რედ.: ლევან გიგინეიშვილი, ვიქტორია ჯუღელი]. - I-ლი გამოც.. - თბ.: ბაკურ სულაკაურის გამ-ბა, 2010. - 29სმ.