ფრაზეოლოგია

ფრაზეოლოგია [ბერძ. phrasis გამოთქმა და logos მოძღვრება] – 1. ამა თუ იმ ენის მტკიცედ ჩამოყალიბებული გამონათქვამები, სიტყვათა თავისებური შეერთებანი. 2. ენათმეცნიერების ნაწილი, რომელიც ასეთ გამონათქვამებს სწავლობს. 3. ამა თუ იმ მწერლის, ორატორის, ლიტერატურული მიმართულების, საზოგადოებრივი ფენისა და მისთ. დამახასიათებელი სტილისტური ხერხების ერთობლიობა. 4. მაღალფარდოვანი უშინაარსო გამოთქმები; ფრაზები (იხ. ფრაზა, მნიშვ. 2).