ხის ჯოხი, რომელზეც დაჭიმულია ცხენის ძუა, გამოიყენება ბგერის მისაღებად ხემიან სიმებიან საკრავებზე. თანამედროვე პროფესიულ საშემსრულებლო პრაქტიკაში გამოიყენება XVIII ს-ის დასასრულს ფრანგი ოსტატის ფ. ტურტის მიერ კონსტრუირებული, გაუმჯობესებული ხემი, რომელზეც შესაძლებელია ცხენის ძუის კონის დაჭიმულობის მექანიკური რეგულირება. ხემის ძუას უსვამენ კანიფოლს.
Source: ხელოვნების ენციკლოპედიური ლექსიკონი