აღსასრულის დღე, განკითხვის დღე, მაგ., კინტოები, როცა თუთას ჰყიდიან, ჰყვირიან ხოლმე: აბა, ახრიზამინი თუთა! ახრიზამინი თუთაო! ე. ი. უკანასკნელი, ბოლო თუთაო. სხვანაირად ამბობენ: ერთი დესეტნიკი ვცემე, მაგრამ გული ვერ ვიჯერე, ხელები ისე მექავებოდა. ეხლა კიდევ მეორე შემხვდა და მეუბნება: რათ დამთვრალხარო, გავეცალო, როგორ გავეცალო, თუ არადა ახრიზამანში აქაც ცემა გამოდისო!...
ბოლო, დასასრული. „ახრიზამანში აქაც ტყეპა გამოდის“ (ა. ახნაზ). „აღარაა ძველი დროება, მოვიდა ახრიზამანი, ჩიტებს ზნეი შეეცვალა, იასიხარ ჰყივა მამალი“ (აჭარ. ფოლკ., ჩაწ. აპ. წულაძის მიერ).
Source: გრიშაშვილი იოსებ, ქალაქური ლექსიკონი: (საარქივო მასალა)/[გამოსაც. მოამზადა რუსუდან კუსრაშვილმა]. – თბ.: სამშობლო, 1997 (სამშობლო). – 304გვ.
to main page 
top of page