ზიზილ-პიპილები

1. ზედმეტი მორთულობა; აჭრელებული რაგინდარა, უბრალო და იაფფასიანი წვრილმანი ნივთები, რომელსაც გამოსაჩენად ზედ აისხამენ. „...რასაკვირველია, ბეჭდები, ძეწკვი მაგას“ (ე. ი. ქმრის ღალატს - ი. გრ.) ვერ მაქმნევინებდა; ვერც რამოდენიმე თოფი ტილო, ან კიდევ ტანისამოსი, საცვლები და თავზე მოსახვევი ან სხვა რამ ზიზილ-პიპილები, (ივ. მაჩაბ., „ოტელო“, 1888 წ., გვ. 113).
2. აჭრელებულ ტანსაცმელს რომ ჩაიცვამენ - ეტყვიან: ეს რა ზიზილ-პიპილები აგისხავსო. ვითომ სადათ ვერ მოირთვებოდიო.
3. ჩინებს ეძახდნენ ძველად.
   Source: გრიშაშვილი იოსებ, ქალაქური ლექსიკონი: (საარქივო მასალა)/[გამოსაც. მოამზადა რუსუდან კუსრაშვილმა]. – თბ.: სამშობლო, 1997 (სამშობლო). – 304გვ.