კოპიტი

1. Грубый, მხოლოდ ადამიანზე არ ითქმის. „გრუბი“ ითქმის ნახელავზეც.
2. „კოპიტი სიტყვა იცის“, ე.ი. მკვახე, უშნო, გაუჩორკნავი.
3. მაგარი, მკვიდრი, ძველად კოპიტს ეძახდნენ შავ ფულს.
4. ტლანქი, გაუჩორკნავი, მძიმე. „ლექსების მაგივრად, ქეთევან, უბრალოდ ხელი გამოგიწოდე კოპიტ–კოპიტ სიტყვების დაუმტვრევლად“ (ივ., 1891 წ. № 163). „ჩვენ ვიცით, რომ ლითონის იარაღზე ადრე ადამიანს ჰქონდა ქვის იარაღი, თავდაპირველად „კოპიტად ჩამოთლილი“. (მ.პ. პოკროვსკი, „რუსეთის ისტორია“, თარგ. მ. ბერძ., 1932 წ. „სახელგ.“, გვ. 18).
5. სპილენძის ფული: სამკაპიკიანი. „გამოფრიალდა რაღაცის კალთები, თითო ნახევარ კოპიტის ტოლა თითბრის ღალებითა“ (გოგოლი, „კრებ.“, 1871 წ., № 1, გვ. 102). „კოპიტად უთხრა“, ე.ი. „მკვახედ უთხრა“.
   Source: გრიშაშვილი იოსებ, ქალაქური ლექსიკონი: (საარქივო მასალა)/[გამოსაც. მოამზადა რუსუდან კუსრაშვილმა]. – თბ.: სამშობლო, 1997 (სამშობლო). – 304გვ.