ყაზაზი

1. აბრეშუმის ძაფის დამხვეწელნი და დამრთველნი.ესენი იყვნენ სიონის იქით, პატარა სირაჯხანის ასავალში.ძველად კოჭის ძაფი რომ არ იყო, ყველგან აბრეშუმის ძაფს ხმარობდნენ, რომელიც ღირდა მისხალი 10-15 კაპ-მდე.
2. ყაითნებისა და ზონარების ოსტატი. „მერე იხილეს ყაზაზები. ბატონო, ამდენი ჩაფი და ზონარი რათ უნდათ“ („კალმ“., 394). „ქართველ მეფეებისდროინდელი მოურავ-მსაჯულნი შუა ბაზრის ყაზაზებსა ჰგვანდნენ“ („ივ“., 1890 წ., № 214).
   Source: გრიშაშვილი იოსებ, ქალაქური ლექსიკონი: (საარქივო მასალა)/[გამოსაც. მოამზადა რუსუდან კუსრაშვილმა]. – თბ.: სამშობლო, 1997 (სამშობლო). – 304გვ.